Hindi ka na magdadalawang isip pa kung bakit pinag-aagawan ng iba’t ibang bansa ang Pilipinas sa kabila ng napakaliit na sukat ng bansang ito. Kabighabighani naman talaga ang natatago nitong ganda kaya’t kahit sino ay mawiwili at matutuwang bumalik dito.
Isa na ang Pangasinan sa isa sa mga napakaraming lugar dito sa Pilipinas na nagkukubli ng kakaibang ganda ng kalikasan. Kaya’t tunghayan po natin ang ilan sa mga tourist spots na dapat nating tangkilikin at pagyamanin.
1. Antong Falls in Sison Pangasinan
Isa na ang Antong falls sa ipinagmamalaki ngayon ng Pangasinan dahil sa napakalinaw nitong tubig. Makikita mo rin dito ang mga naglalakihang mga buhay na bato. Ngunit bago ka makapunta dito isang adventurous na paglalakbay muna ang tatahakin mo. Siguradong magiging patok ito sa mga taong walang ibang hanap kundi puro adventures.
2. Mt. Balungao in Balungao, Pangasinan
Kakaibang ganda naman ang dulot na ganda ng Mt. Balungao na talaga namang ipinagmamalaki ng mga taga Balungao. Napakaraming mga pakulo ng mga namamahala sa bulkang ito. Bukod sa hotsprings at swimming pools ay meron na din itong mga picnic grooves, pavilion at ang isa sa mga pinaka patok na adventure ngayon, ang zipline na talaga namang dinadagsa ng karamihan sa atin. Siguradong mag-eenjoy ang buong pamilya sa ganitong kagandang lugar.
3. Hundred Islands in Alaminos, Pangasinan
Siguradong pamilyar sa inyo ang Hundred Islands dahil sa madalas na pagkakabilang nito sa 7 wonders of the Philippines. Kabigha-bighani naman din talaga ang pagkakagawa ng kalikasan sa mga 100 pulong ito. Isa rin magandang pasyalan ito ng mga magpapamilya at tiyak na mageenjoy ang lahat lalo na sa kayaking.
4. Patar Beach in Bolinao, Pangasinan
Kung isa kang ilocano o ikaw ay malapit lapit sa northern part ng luzon, hindi mo na kailangan lumayo pa at pumunta ng boracay para lang dayuhin ang ipinagmamalaking white sand, dahil dito mismo sa Pangasinan makikita mo ang napakandang beach na may napakalinaw na tubig at may white sand sa kapaligiran. Siguradong mamangha ka sa ganda nito, dahil sa virgin island pa ito konti pa lamang ang nakakadiskubre ng itinatago ng bolinao. Marami pang magagandang features ang bolinao na dapat nating tangkilikin at ipagmalaki.
5. Umbrella Rock of Agno in Bayambang, Pangasinan
Kamangha-mangha naman talaga ang rock formation ng matatagpuan sa Bayambang. Mistulang naglalakihang mga payong ang mga batong ito. Siguradong mageenjoy at pamilya sa pagbisita sa kakaibang ganda ng lugar na ito.
Ito ay ilan laman sa napakaraming lugar na dapat ipagmalaki ng mga Ilocano. Dapat natin itong pangalagaan upang mapanatili ang ganda na bigay sa atin ng Maykapal 🙂
piojosa29 